Estudantes do Liceo A Paz na Coruña recadaron fondos para a loita contra o cancro e a Asociación Prol Enfermos Mentais a través dun mercadillo solidario. Nel puxéronse á venda os traballos elaborados polos alumnos e alumnas de todos os niveis do centro: Infantil, Primaria, ESO, e Bacharelato.
Foi, precisan, conseguindo a maior recadación ata agora, case 4.500 euros, que se repartirán entre a Asociación Española Contra o Cancro e a Asociación Prol Enfermos Mentais da Coruña, entidades máis votadas polos alumnos. Ademais, acudiron ao evento o Banco de Alimentos Rías Altas, visibilizando a campaña de recollida de alimentos que se está levando a cabo desde mediados de maio.
