O Centro Sociocultural Ágora da Coruña celebrará este luns a última sesión da 15ª edición de ‘Poetas Dei(n)versos’, coa pontevedresa Lorena Conde e a colombiana Andrea Cote como protagonistas. Ambas porán o broche final a este ciclo de poesía dirixido por Yolanda Castaño, Premio Nacional de Poesía, co apoio do Concello herculino.
En palabras de Castiñeiro, Cote e Conde son dúas poetisas “capaces de resignificar desde o corpo ata os espazos con toda a sutileza da que é capaz a palabra”.
A última sesión da 15ª edición de ‘Poetas Dei(n)versos’ arrincará ás 20.00 horas. A entrada será gratis ata completar aforamento, pero tamén se poderá seguir en directo por ‘streaming’.
