Delegados e delegadas da CIG no sector do TIC concentráronse este xoves, ante a sede de Indra na Coruña, “en defensa dun convenio de consultorías digno e con melloras salariais reais”. Segundo a central sindical, en Galicia hai contorna a 15.000 traballadores e traballadoras reguladas por este convenio de ámbito estatal “que, a pesar dos enormes beneficios que están a obter as empresas, segue contendo táboas salariais no límite do salario mínimo“.

O sector TIC da CIG, sindicato en Galicia cuns 90 delegados e delegadas, denuncia que o convenio “non reflicte a realidade do sector” no país “cunhas marxes de ganancias enormes e que o ano pasado incrementou o emprego nun 5,2 por cento”. Tamén sinala que a central sindical non asinou o último convenio “por non lograr as condicións salariais e laborables mínimas esixidas polas traballadoras e traballadores galegos”.