Hai apenas un mes que se inagurou o parque infantil dos Pelamios (cun retraso de máis de 8 meses de finalización), no marco da rehabilitación do Paseo Marítimo. Pero o seu estado xa é preocupante.

Así o denuncia o Portavoz do Grupo Popular, Miguel Lorenzo, despois de escoitar as queixas da veciñanza e de comprobar de primeira man as múltiples deficiencias do parque.

“Só pasou un mes e o seu estado é malo. Especialmente grave é a rotura de gomas na zona de xogos infantís, con multitude de boliñas no chan con perigo de que os menores os metan na boca”, destaca o voceiro popular, quen tamén apuntou que se poden ver “farolas sen protección a ras de chan na zona próxima á zona infantil, tras investir 43.000 euros na súa reparación”.

Critican que a zona de herba presenta abundantes calvas e unha mala conservación a pesar de ter certificados máis de 50.000€ nesta actuación, así como pavimentos irregulares, sinalización no terreo, etc.

Por todo iso, o PP esíxelle ao goberno socialista que reclame á empresa que realizou os traballos de rehumanización dos Pelamios que corrixa de inmediato todasas deficiencias.