InicioCULTURA'Instrucións previas', de Luis Maceira, gaña o III Certame de Literatura LGTBI+...

‘Instrucións previas’, de Luis Maceira, gaña o III Certame de Literatura LGTBI+ do Atlantic Pride

Publicada o

Por editor

O III Certame de Literatura LGTBI+ do Atlantic Pride seleccionou o relato ‘Instrucións previas’, de Luis Maceira Cid, como gañador do primeiro premio, mentres que Tamara Jiménez Quirós alcanzou o segundo galardón co texto ‘Tan diferentes como iguais’ e Laura Souto Queijeiro o terceiro con ‘Como se xestiona unha crise’.

O certame, que naceu co obxectivo de visibilizar as vivencias sexuais e de xénero das persoas LGTBI+, clausurará este domingo ás 21.00 horas nos Xardíns de Méndez Núñez a quinta edición do Atlantic Pride. Nese momento, os gañadores do concurso recibirán os seus respectivos premios e gozarán co público dos directos de Lucía Pérez, As Ketchup, Raúl, Rosa López e o DJ Iván Flashback.

Así o explicou a organización do evento nunha nota de prensa na que tamén destacou que o concurso, organizado en colaboración coa Rede de Bibliotecas Municipais da Coruña a través do club de lectura QUEERuña, alcanzou este ano a súa marca de participación.

PECHE DO FESTIVAL

A cidade da Coruña volveu a acoller este ano unha nova edición do Atlantic Pride, un festival que tivo lugar entre os días 7 e 14 de xullo e trouxo consigo música e celebración ao redor da diversidade sexoafectiva e identitaria. A semellanza de edicións anteriores, o festival volveu a ser gratuíto e contou na súa programación con música e actividades culturais como o III Certame de Literatura LGTBI+.

ÚLTIMAS

“O Dépor é da Coruña”, o novo reto normalizador do #Aquítaménsefala

Novo reto que se marca a iniciativa cultural “Aquí tamén se fala” do IES...

A Coruña mobilízase este sábado para que a vivenda deixe de ser un negocio

Quece motores esta semana a cidade para a manifestación estatal “Acabemos co negocio da...

Os recoñecementos á Defensa dos DDHH da Rede Acampa pola Paz terán cores palestinas

Vén de anunciar a Rede Acampa pola Paz, os votos que veñen de escoller...

Luz verde ao reformado proxecto das Casas de Franco

Este mércores, a Xunta de Goberno Local aprobou o reformado do proxecto das denominadas Casas...

DEIXAR UN COMENTARIO

Please enter your comment!
Please enter your name here