Un home foi denunciado como suposto autor dunha infracción moi grave por condución temeraria tras ser gravado cando realizaba adiantamentos prohibidos nunha zona de curvas con visibilidade reducida e liña continua en entre as localidades de Sada e Santa Cruz, na Coruña.
Segundo informou a Garda Civil, os feitos foron postos en coñecemento do Sector de Tráfico a través do enviou dun correo electrónico no que se alertaba do vehículo circulaba a gran velocidade, realizando adiantamentos nun lugar prohibido, en zona de curvas e cambios de rasante.
Ante iso, comunicouse a incidencia ás patrullas en servizo, que contactaron co alertante anónimo, que remitiu un vídeo no que se observaban os feitos. Con esa información, os axentes da Garda Civil localizaron e identificaron o infractor, así como a estrada na que se produciron os feitos.
O home foi denunciado como presunto autor dunha infracción moi grave de condución temeraria, que carrexan unha sanción económica de 500 euros e a detracción de seis puntos do permiso de conducir.
Ver esta publicación en Instagram
