O operario ferido grave a última hora do domingo no aeroporto coruñés de Alvedro permanece estable, ingresado na unidade de reanimación do CHUAC, segundo confirmaron a Europa Press fontes hospitalarias. O home, traballador da empresa South Europe Ground Service, sufriu un accidente pasadas as 20.00 horas, cando participaba nas tarefas de asistencia en terra dunha aeronave no aeroporto coruñés. Inicialmente, recibiu auxilio médico no propio aeródromo e, posteriormente, foi trasladado ao hospital, onde segue ingresado. Outras fontes sinalaron a Europa Press que o home foi intervido cirurxicamente debido á amputación traumática dun membro inferior.