Non será tan emocionante como na vila de Camariñas, pero as festas do Carme dos barrios da Coruña tamén son importantes.
Arrincaban o día propio, o martes 16 de xullo, no Club do Mar, onde ademais do paseo e procesión marítima pola ría en homenaxe á patroa dos mariñeiros, se celebrou unha xornada festiva con inchables, música e paella xigante.
Tamén dende o centro da vila, dende a Mariña, se viviu a emocionante procesión marítima.
#Coruña – Vídeo 📹▶️ de la Procesión Marítima de la Virgen del Carmen ⛪
— Eloy TP (@EloyTP) July 16, 2024
Para a fin de semana quedan as celebracións nos barrios de Feáns, As Xubias, San Pedro de Visma e O Portiño e Mariñeiros.
Festas nas Xubias
Nas Xubias as festas comezarán o sábado 20 de xullo cunha romaría naval ás 12.00 horas. Ás 14.00 horas haberá unha polbada popular e música tradicional. ÁS 17.00 horas haberá
xogos para nenos e nenas e a partir das 21.00 horas actuarán Bobby Drake y Joven Tensa e Folkolicos. O domingo 21 haberá sesión vermú ás 13.00 horas con Coktel Musical. Ás 14.00 horas haberá un concurso de tortillas e os festexos pecharanse cunha procesión marítima ás 17.00 horas.
En Feáns
En Feáns, as festas comezarán o sábado ás 14.00 horas no campo da festa coa actuación da banda DelaO. Ás 18.00 hora haberña sesión de xogos infantís, que darán paso, xa pola noite á actuación de Giro Total e de DJ Castro. O domingo 21 continuarán as celebracións con sesión vermú a cargo da orquestra Foliada d’Ases, que tamén actuará ás 22.00 horas.
Pola tarde, ás 18.00 horas, haberá unha actuación dun grupo de baile galego.
Nos Mariñeiros
O sábado 20 terán lugar tamén as festas do barrio de Mariñeiros. Comezarán, na praza do centro cívico, ás 13.00 horas cunha sesión vermú amenizada polo grupo musical Maracaibo.
Ás 17.30 horas haberá unha festa infantil con hinchables e espuma. Xa pola noite, ás 22.00 horas, haberá unha actuación de Aixa Romay e ás 23.50 horas, unha sesión de fogos de artificio.
En San Pedro de Visma e O Portiño
Os barrios de San Pedro de Visma e O Portiño celebran o Carme o domingo 21 de xullo. A xornada comezará ás 13.00 horas con sesión vermú no porto do portiño, amenizada polo dúo José Brea & Miguelón. Haberá churrasco e paella para as persoas interesadas. Ás 17.30 actuará, tamén no porto, Jayce Show. Ás 18.30 horas comezará a procesión marítima, que contará co lanzamento de bombas de palenque. Ás 19.00 horas
haberá romaría popular, con sardiñas e paella, ademais da actuación de A Nova Trova Coruñesa. Pechará a xornada a actuación do dúo Caramelo.
Visma
