Aprobaba onte o Concello da Coruña a autorizacón á promotora Highfive, o proxecto de execución dun novo edificio no solar do nº64 da Avenida de Arteixo, en plena Sagrada Familia. Será un edificio de sete andares, para facer un total de 30 vivendas (un ático), xunto con tres andares soterrados para aparcadoiro, e baixos comerciais.
Ten unha superficie total de 974 metros cadrados, dos que 465,36 dedicaranse a un proxecto residencial. O Concello farase cargo da urbanización de 508,64 metros cadrados arredor do edificio, o que permitirá rematar a rúa Acanto, conectándoa así coa rúa Nazaret, actualmente illada por un muro. Ademais, prevese a creación dunha praza na rúa Pontedeume para o uso público.
