O Concello da Coruña decretou que o 4 de marzo, martes de Entroido, e o 24 de xuño, festividade de San Xoán, sexan festivos locais en 2025. Así o anunciou o portavoz do goberno local, José Manuel Lage, nunha rolda de prensa convocada para dar conta dos asuntos tratados na Xunta de Goberno.
Estes festivos súmanse ao calendario laboral galego para o próximo ano estipulado polo Consello da Xunta que recolle como festivos propios da Comunidade Autónoma o 17 de maio, Día das Letras Galegas, que caerá en sábado; e o 25 de xullo, Día Nacional de Galicia, que será un venres.
