O Concello contrataba na tarde de onte á empresa Valoriza a recollida de lixo nas rúas da Coruña uns días despois de declarar a emerxencia sanitaria.

Ao longo desta mañá xa están polas rúas os 13 vehículos e 32 operarios que a empresa pode poñer inmediatamente a traballar. Algúns deles están indo escoltados pola Policía Local, unha vez que esta mesma noite volveron queimar varios colectores.

Comezan polos puntos identificados con maior acúmulo de residuos e nos lugares máis sensibles, como na contorna dos centros de saúde. A compañía prestará servizo mentres dure a actual situación e non finalice a emerxencia sanintaria. En canto ás porcentaxes de recollida de lixo, o máis elevado rexístrase no barrio de Pescaría (95%), seguido dos Mallos (45%), de Mesoiro-Feáns-Valaire (35%) e de Ventorrillo-Agra do Orzán (30%).

Mentres, segundo o consistorio municipal, en Cidade Vella a porcentaxe de lixo recollido é do 20%; en Os Rosales-Labañou, Estadio, Sardiñeira-Elviña e Matogrande-Eirís, do 15%; en Montealto, Sacra Familia e Castrillón, do 10%; e en Vos Castros, do 5%.

INCENDIOS

Ademais, esta comisión fixo balance das incidencias producidas nas últimas horas, destacando o incendio dun colector de papel na rúa San Rosendo coa Avenida dos Mallos, ás 02.20 horas, e que afectou parcialmente a un vehículo e á fachada dun herbolario. Así mesmo, ás 05.03 horas tamén se produciron varios incendios en colectores da Avenida Finisterre 183 — no que tiveron que intervir os bombeiros–, 186 e 193.

Aí van por Monte Alto, escoltados pola @Policia_Coruna. pic.twitter.com/FpCBamGe1B

— Xornal da Coruña (@xornaldacoruna) July 25, 2024

Máis novas

A concesionaria do servizo de lixo da Coruña comeza a aplicar man dura contra os folguistas

Inés Rey: “Teñen a cidade secuestrada, tomada como refén por pretensións ilegais”