O Concello da Coruña deu luz verde, en Xunta de Goberno, ao convenio para a rexeneración urbana das Xubias, un plan de colaboración público-privada para a rehabilitación da fachada marítima coruñesa cara á ría do Burgo, da man de David Chipperfield Architects e o fondo de investimento Ginkgo Advisor.

A firma do acordo formalizouse este martes e inclúe o desenvolvemento residencial na zona, a recuperación das vivendas mariñeiras e tamén o incremento das superficies destinadas a usos públicos, segundo informa o Consistorio.

Unha das iniciativas “máis destacadas” deste plan de intervención integral, engade, é a ampliación dunha senda peonil que termina na praia de Oza e permitirá, “a medio prazo”, conectala co paseo marítimo da ría do Burgo.

A este respecto, unha Comisión integrada por dous representantes do Concello e outros dous da entidade mercantil que representa a Ginkgo Advisor farán seguimento dos compromisos asumidos no catro anos de vixencia que terá o convenio, susceptible de prórroga por outros tantos.