Mariscadores e mariscadoras da ría do Burgo denunciaron unha situación económica “asfixiante” e volveron a demandar axudas mentres non poidan faenar polo dragado e ata que a cría alcance a talla legal permitida para a súa recollida.

Así o expuxo, en declaracións a Europa Press, o portavoz do colectivo, Manuel Baldomir, nunha nova mobilización con corte de tráfico na zona da Pasaxe, nos accesos da Coruña e nun dos carrís.

“Seguimos á espera de que o Goberno central e a Xunta cheguen a un acordo“, indicou Baldomir, que explicou que a Confraría de Pescadores fixou unha nova mesa de negociación para o 19 de agosto, con convocatoria tanto a representantes estatais como autonómicos.

“A situación segue sendo dura dado que non hai ningún tipo de ingreso“, expuxo sobre o colectivo. Ademais, sinalou que por parte do Goberno central “débese” aos mariscadores e mariscadores os meses de xaneiro a abril. “É imposible aguantar tanto tempo facendo pagos de Seguridade Social e outros, a xente está moi asfixiada economicamente e psicoloxicamente e sen ver saída laboral”, apostilou.