O Concello da Coruña concedeu a licenza para construír o novo centro de día da Asociación de Dano Cerebral (Adaceco), que se edificará sobre un terreo municipal en Eirís de Arriba.

Foi na Xunta de Goberno local na que se aprobaron, ademais, as licenzas que habilitarán á Xunta de Galicia para acometer melloras nas instalacións do IES Ramón Otero Pedrayo e Salvador de Madariaga.

Todo iso nunha reunión presidida pola rexedora herculina, Inés Rey, e na que, ademais, entre outros asuntos, adxudicáronse as obras de urbanización do viario que conectará a avenida da Sardiñeira coa de Arteixo.

Trátase dunha intervención que forma parte dos compromisos asumidos polo goberno municipal no contexto das obras de construción da nova estación intermodal.