Un piloto da escuadra MMG Racing, do municipio coruñés de Culleredo, perdeu a vida tras sufrir un accidente nos adestramentos do Gran Premio de velocidade de motociclismo da Bañeza 2024.

O home, con dorsal 36 de categoría moto 3, perdeu a vida a consecuencia dun accidente que sufriu este sábado durante os adestramentos da proba na mencionada proba, na que tiña previsto participar este domingo.

A Xunta Directiva do Motoclub Bañense trasladou, nun comunicado, o seu pésame aos familiares e amigos do motorista de 47 anos. Así mesmo, decidiu, xunto aos participantes na categoría, continuar co evento dado “o peso da carreira a nivel nacional e no mundo do motociclismo”.

O piloto galego, con licenza da Federación de Castela e León, tiña previsto participar na proba este domingo. A Federación Galega de Motociclismo mostrou o seu “profundo pesar” polo falecemento do piloto da escuadra de Culleredo e transmitiu a súa pésame a compañeiros, familiares e amigos.