Os bombeiros do parque comarcal de Betanzos interviñeron na asistencia a un vehículo, que se incendiou na AP-9, segun informa o Consorcio Provincial Contra Incendios da Coruña. En concreto, foron requiridos ao redor das 11.30 horas nun operativo destinado á extinción dun lume nun coche á altura da peaxe da AP-9, ao seu paso pola parroquia de Guísamo, no municipio de Bergondo. No vehículo só circulaba unha persoa que non necesitou asistencia sanitaria. O labor dos bombeiros consistiu na extracción da batería xa que o lume xa estaba sufocado.