O Festival da Luz celebrará do 23 ao 25 de agosto en Boimorto unha nova edición, despois de recadar ata data, e desde que empezou en 2012, máis dun millón de euros.
Así o informa a organización que destaca o carácter benéfico e solidario con esta contía repartida ao longo das doce edicións e con destino a distintas asociacións, desde as vinculadas á loita contra o cancro ou o Alzheimer ou os bancos de alimentos.
Este ano a recadación estará dedicada a ‘Agaela’, que se encarga de axudar ás máis de 150 familias con enfermos dela que hai na comunidade autónoma. Ademais, a organización destaca o feito de que se celebre no rural, na aldea de Orros, en Boirmoto, onde naceu a promotora do evento, a cantante Luz Casal.
