Os traballadores e traballadoras do Grupo Navec, concesionaria do servizo de mantemento da refinaría da Coruña, suspenderon a folga indefinida convocada a partir deste luns, día 26, para demandar “o cobro dos salarios pendentes” debido a que a empresa “puxo ao día o pago a todo o persoal”.

Así o confirmou o secretario comarcal de CIG-Industria da Coruña, Eduardo Caamaño, en declaracións a Europa Press. “O persoal a día de hoxe está ao día do pendente de pago”, explicou.

Navec, que entrou en preconcurso de acredores, ten unha nave en Arteixo e só traballa para a refinaría, segundo explica o representante da central sindical.

A falta de pagamentos da contratista, engade, afectaban a un total de 55 empregados e empregadas da industria herculina. “Suspendeuse a folga porque están ao día”, insistiu Caamaño.