Laura Suárez (Dumbría, 1994), co álbum ‘A raíña cadáver‘, na categoría para público infantil e xuvenil, e Sandra Lodi (Lugo 1994) coa obra ‘Adelina‘, na categoría xeral, son as gañadoras do XIX Premio Castelao de Banda Deseñada. Trátase dun certame convocado pola Deputación da Coruña e ao que nesta edición, segun informa a institución provincial, presentáronse 18 orixinais.
De ‘A raíña cadáver‘, o xurado puxo en valor “o acabado completamente profesional cun estilo propio moi persoal e o dominio das formas e da cor”. Tamén destacou a gráfica. De ‘Adelina‘, o valorou o “acabado solvente da obra cunha gráfica moi expresiva e recursos desenfadados que aborda o tema da vellez con frescura, humor, crítica social e moita acción e diversión”.
