Uns 5.200 nenos e nenas da Coruña participarán este curso en actividades extraescolare smunicipales, segundo datos achegados con motivo da visita da alcaldesa, Inés Rey, ao CEIP San Francisco Javier.
O consistorio herculino colabora coa Federación Provincial de Anpas da Coruña no desenvolvemento da programación de lecer educativo 2024-2025.
Na súa visita, a alcaldesa presentou o catro programas educativos que se desenvolverán nos centros públicos. A oferta componse dun programa de conciliación, xunto con tres temáticos: deporte no centro; arte e cultura e idiomas no centro con actividade durante todo o período lectivo.
A rexedora remarcou que a programación busca garantir dúas cuestións, que os nenos e nenas dispoñan de actividades de lecer e socialización durante todo o ano e, por outro, que os pais dispoñan de alternativas para facilitar a conciliación.
“Ademais, este ano 2024 reforzamos a achega con 21.000 euros máis que en 2023 para dar resposta á alta demanda de actividades nos diferentes centros”, sinalou a alcaldesa.
