A Autoridade Portuaria da Coruña licitou o sistema de control, mando e sinalización do acceso ferroviario a Langosteira, segundo informa.

O Consello de Administración aprobou a contratación deste sistema de seguridade e telecomunicacións da rede, cun orzamento de cinco millóns de euros. Sobre as obras da conexión ferroviaria, indica que marchan ao ritmo previsto, coa escavación dos túneles e o inicio da rede interior.

Ademais, explica que este mes se reunirá a comisión técnica de Coruña Marítima “e porase en marcha unha oficina de apoio para preparar o concurso internacional que definirá o deseño global dos espazos do porto interior”.