O litoral da Costa da Morte e do noroeste da Coruña estará este luns en alerta amarela por ondada.

Segundo a Aemet, espéranse ventos que poderán alcanzar entre os 50 e 61 km/h — de forza sete– entre cabo Vilán e cabo Fisterra e tamén entre cabo Ortegal e cabo Prior.

O luns, segundo Meteogalicia, a comunidade seguirá con influencia anticiclónica centrada ao norte de Galicia. Por iso, haberá ceos moi despexados en xeral con algunhas nubes altas, que non impedirán o paso do sol.

As temperaturas mínimas sufrirán un ligeso ascenso, mentres que as máximas terán un pequeno descenso. O vento soprará do norodeste moderado, sendo forte entre Bares e Fisterra.