A Coruña acollerá a sétima edición do encontro cultural orientado á creación sonora ‘Modulartec’, segundo informou o concelleiro de Cultura e Turismo, Gonzalo Castro. A programación inclúe unha ampla oferta de concertos, conferencias, obradoiros e actuacións en directo, asociadas á música creada mediante a síntese modular.

A presentación da programación desta nova edición tivo lugar na Fundación Luís Seoane, unha das localizacións deste encontro cultural, que terá lugar do 3 ao 5 de outubro. Ademais da propia Fundación Luís Seoane, a iniciativa contará coa colaboración da rede municipal de Museos Científicos Coruñeses.