O Concello de Culleredo ultima os preparativos para a celebración do XXIX Festival Internacional Galicreques 2024, que se inaugurará este venres 11 de outubro co representación da obra ‘Emotivas’, da compañía Titiritres e dirixida a a público familiar a partir de 3 anos.

Será no Auditorio do Edificio de Servizos Múltiples O Burgo a partir das 19:30 h. horas.
‘Emotivas’ é un traballo que trata sobre a amizade dos seus protagonistas, Melancolía, Irritación e Seguridade, que fan unha viaxe polo mundo dos sentimentos.

Este é o primeiro espectáculo da XXIX edición do Festival Internacional Galicreques, que en 2024 acollerá tres funcións máis, previstas para o venres, día 18, xoves 24 e venres 25 de outubro.

Todas as actuacións serán no Auditorio do Edificio de Servizos Múltiples O Burgo a partir das 19:30 h.
As entradas son gratuítas ata completar aforo e non é necesario facer ningunha tipo de reserva previa.