O Concello da Coruña puxo en marcha o Centro de Atención Continuada de Pai Rubinos, no barrio de Labañou, co obxectivo de dar servizo a persoas en risco de exclusión social.
Segundo informa o Consistorio, os traballos de reforma levados a cabo no antigo albergue da institución benéfico social supuxeron un investimento de 715.000 euros. As novas dependencias contan con salas polivalentes e un comedor, cunha capacidade para 40 persoas usuarias.
Na actualidade, engade, continúan as obras noutros espazos do centro para crear novas dependencias e ampliar o número máximo de capacidade.
O centro de Labañou complementa os demais recursos cos que conta o Concello para atender a persoas en situación de exclusión social e permite que dispoñan de espazos de descanso e usen as instalacións no horario nocturno de 20.00 a 10.00 horas.
