”Memoria Emocional. Construíndo a memoria de Oza” é o novo proxecto da A.VV. Oza-Gaiteira-Os Castros en clave de memoria. “O obxectivos deste proxecto son identificar, documentar e difundir as pegadas do pasado recente do barrio nun proceso aberto e compartido cos veciños”, explican dende a asociación organizadora. “A nosa intención é crear un relato colectivo das diferentes etapas e acontecementos polos que pasou o barrio creando un mosaico de imaxes, datos e vivencias que vaian dende o máis historicista ata o máis anecdótico”.
E para iso, convocan as “festas da Memoria con varios roteiros e actividades. As charlas están programadas para as 19:00 horas no Forum, e as inauguración de exposición ás 19:30, a mesma hora na que se proxectarán os documentais.
Xosé Alfeirán, Antonio Manuel Fraga ou Ana Romero Masía serán algunhas das ponentes.
Para ir investigando, xa podedes ir descubrindo o noso pasado en www.redeoza.org/pantasmasdeoza.
