Un centro educativo da Coruña foi desaloxado este martes de forma preventiva ante a presenza de fume no seu interior. Segundo informou o 112, ningún dos máis de 300 alumnos que estudan no centro se viron afectados. Foi o propio persoal da institución educativa o que, ao redor das 16.40 horas, chamou ao 112 para alertar da presenza de fume nun corredor do centro situado na Avenida da Sardiñeira. 

Segundo a información facilitada aos xestores de emerxencias, xa estaban a comezar a evacuar o edificio. Deste xeito, desde o 112 Galicia solicitouse a intervención dos Bombeiros de Coruña, dos axentes da Policía Nacional e Local e dos efectivos de Protección Civil. Todo apunta a que o fume era debido a un problema no cadro eléctrico do ascensor.