A alcaldesa da Coruña, Inés Rey, presentou esta mañá o programa de emprego e inclusión social Éfeso Coruña 2024-2026 destinado a mellorar a inserción sociolaboral na cidade.

Acompañada da concelleira de Emprego, Comercio e Mercados, Diana Cabanas, destacou a oportunidade de contar con iniciativas similares para a dinamización económica.

‘Éfeso Coruña’ dá continuidade ao proxecto ‘Coruña Suma’ a través do cal o Concello conseguiu a inserción laboral de 1.130 persoas.

Ambos os programas están destinados a persoas desempregadas, principalmente mulleres, maiores de 45 anos, de longa duración, estranxeiros ou nacionais con baixos niveis educativos ou procedentes de contornas vulnerables inscritas no Servizo Público de Emprego de Galicia.

“En total impartiranse 12 itinerarios en 43 edicións, o que permitirá formar a 705 persoas, das cales preto do 72% serán mulleres, priorizando aquelas en risco de exclusión social”, apuntou a rexedora.