A carreira ENKI 2024 recadou na Coruña máis de 96.000 euros que se destinarán a material deportivo adaptado e actividades de lecer inclusivo, segundo informa a organización.

A carreira contou coa participación de 33 entidades sociais, 32 galegas e unha delas de Madrid, que representaron a un total de 1.168 persoas con diversidade funcional.

O éxito da xornada, expoñen, permitiu duplicar a oferta de actividades de lecer inclusivo, con 20 novas propostas que fomentarán a participación activa de todas as persoas.

Os Premios ENKI 2024 recoñeceron, ademais, a entidades sociais con galardóns que inclúen actividades inclusivas como paddle surf, parapente, actividades na neve, o Camiño de Santiago e un fin de semana de aventura.