A localidade coruñesa de Oleiros rexistrou na noite deste martes un accidente de tráfico orixinado cando un vehículo tratou de esquivar unha manda de 15 exemplares de xabaril que atravesaba unha estrada en pleno centro urbano. En concretou, o suceso tivo lugar pouco antes das 23.00 horas e consistiu nunha colisión por alcance. Un dos vehículos tratou quixo esquivar 15 exemplares de xabaril que nese momento cruzaban a Avenida de Espoz e Mina. Ata o lugar desprazouse unha dotación da Policía Local e efectivos de Urxencias Sanitarias de Galicia-061, que atendeu a unha persoa ferida. Ademais, interviñeron os efectivos do servizo local de emerxencias de Oleiros e da Garda Civil de Tráfico.