A Universidade da Coruña (UDC) constituíu os grupos de traballo para abordar a primeira fase de reforma estatutaria para a adaptación dos estatutos á Lei Orgánica do Sistema Universitario (LOSU).

Foi na reunión do Claustro no que se realizou tamén a votación para a comisión de convivencia, que mediará na resolución de posibles conflitos. Ademais, nela ratificouse a proposta de nomeamento como doutora honoris causa de Emilia Casas Baamonde.

En relación á LOSU, concretouse que, unha vez que se incorporen todos os membros, tras o proceso de votación de hoxe, un total de 41 persoas participarán nos catros grupos.

En canto á comisión de convivencia, estará integrada por nove persoas. A súa principal misión será mediar na resolución de posibles conflitos que se poidan dar no ámbito da UDC.