O xurado considerou culpable de asasinato ao home xulgado, na Audiencia Provincial da Coruña, pola morte da súa parella no barrio coruñés do Birloque, en setembro de 2021, despois de asestarlle varias puñaladas ao querer ela romper a relación tras unha convivencia previa desde xullo.
Fiscalía e acusación particular mantiveron, na última sesión do xuízo, celebrado na Audiencia Provincial da Coruña, a petición de condena de 25 anos de prisión, con agravantes de aleivosía, parentesco e xénero. Tamén incidiron en ausencia de “colaboración” por parte do procesado, así como falta de arrepentimento.
A defensa, pola súa banda, ratificou a petición de cualificación de homicidio para o procesado, así como a aplicación, entre outras, da atenuante de arrebato ou obcecación e de actuar tras consumo “de alcol e drogas tóxicas”.
No xuízo, especialistas do Instituto de Medicina Legal de Galicia (Imelga) rexeitaron que o acusado padeza algun trastorno de personalidade nin trastorno psicótico, aínda que se ratificaron un historial de “dependencia de alcol e outras sustancias”. Tamén rexeitaron que haxa elementos para considerar que tiña alterada a súa capacidade cognitiva o día dos feitos, tras os cales fuxiu polo que foi detido días despois en Madrid.pois en Madrid.
