Anunciaba o Concello a comezos de setembro a acometida da máis que necesaria unión do carril bici entre o Paseo Marítimo e Os Cantóns. O punto negro do envexado carrilbici herculino, o punto que permitiría conectar os dous grandes treitos de carril: o paseo marítimo, e a zona dos Cantóns que conecta cos barrios da Pescaría, o ensanche, Catro Camiños, Elviña… e a saída da cidade, mesmo ata o CHUAC.
O Concello anunciaba un investimento de máis de 104.000 euros nesta actuación, cun de prazo de execución de catro meses, e formulando a posta en marcha da unión, para comezos de 2025, dependendo evidentemente das obras de San Andrés.
Este mediodía de mércores 30 de outubro xa puidemos ver a primeira parte do carril… Como avisaban o percorrido ciclista pola rúa Nova, ata o cruzamento con San Andrés, está delimitado sobre o propio pavimento de adoquín, coa correspondente sinalización horizontal. “Unha chambonada”, aseguran os grupos de ciclousuarios.
Queda tempo para comprobar se quedarán mellor a segunda e a terceira fase deste pequeno pero necesario treito de carril.
Máis novas
En marcha a necesaria unión do carril bici do paseo marítimo e os Cantóns
