Unha exposición promovida polo Concello da Coruña renderá homenaxe ao autor, mestre e humorista Miguel López, coñecido como o ‘Hematocrítico’ e que faleceu de forma inesperada o ano pasado.
A mostra, ‘Hematocrítico Ilustrado’, promovida en colaboración con HematoFesti e comisariada por Matilde Rodríguez, abrirá ao público o próximo 5 de novembro.
Será no Palacio de Congresos e Exposicións da Coruña (Palexco) onde o público interesado poderá vela ata o 6 de xaneiro.
A mostra inclúe traballos de recoñecidos ilustradores como Alberto Vázquez, Mar Villar, Paco Roca, Eugenia Ábalos, Olga Capdevila, Albert Monteys, Martín Romeu, Laura Árbore e Cyntia Hierro.
