Resonac Graphite Spain obtivo a licenza para implantar na Coruña unha planta piloto para a fabricación de grafito para baterías de coches eléctricos. Será nas instalacións da antiga planta de Alu Ibérica e estará operativa en 2025, segundo as previsións da empresa.
O Concello da cidade herculina, na última Xunta de Goberno, concedeu a licenza á compañía para a reforma da devandita nave, segundo confirmaron fontes municipais. A intención da empresa é converterse “nunha das primeiras plantas de Europa” que se encargue de principio a fin do proceso de produción de grafito para o uso de baterías de coches eléctricos.
Así o explicou o conselleiro delegado e presidente da unidade de grafito de Resonac para Europa, Oriente Medio e África, César Castiñeira, nunha entrevista a Europa Press, en xaneiro deste ano.
