Manolo García continuará na Coruña a súa xira ‘Cero Emisiones Contaminantes desde Ya’. O artista estará presente no Coliseum da Coruña este sábado, 9 de novembro, ás 22.00 horas, para interpretar o seu novo álbum dobre, ‘Mi vida en Marte’ e ‘Desaciertos desplumados’, que bateu todas as marcas de venda.

Os fans do artista español tamén poderán gozar dos seus grandes éxitos como ‘Pájaros de Barro’, ‘Nunca el tiempo es perdido’ ou ‘A San Fernando, un ratito a pie y otro andando’, entre outros.

As últimas entradas anticipadas están dispoñibles en Ataquilla.com, Ticketmaster e no despacho de billetes da Praza de Ourense. O mesmo sábado, a partir das 17.00 horas, tamén poderán adquirirse no propio Coliseum.