O Concello da Coruña impulsará actividades que inclúen charlas, talleres, teatro e cinema para conmemorar o Día Internacional da Eliminación da Violencia contra as Mulleres o próximo 25 de novembro.
Entre os eventos programados destaca a proxección do filme ‘Soy Nevenka’, de Icíar Bollaín, o próximo 21 de novembro en Cantóns Cinemas.
Baixo a lema ‘Non hai escusas’, a programación deste ano busca, en palabras da concelleira de Benestar Social, Igualdade e Participación, Nereida Canosa, “convidar á reflexión, ao debate e, sobre todo, á acción de diversos axentes sociais e desde diversos espazos”.
A programación inclúe un total de 14 actividades que se desenvolverán desde hoxe ata o 30 de novembro. Canosa indicou que, a través destas accións, quérese chegar “a todas as idades e perfís”.
As actividades arrincan esta mesma tarde coa presentación-coloquio do libro ‘Nós. O feminismo na democracia’, da presidenta do Consello de Estado, Carmen Calvo. O día 25 haberá unha concentración, na praza Pablo Iglesias, en recordo a vítimas de violencia de xénero.
Noutra orde de cousas, o Concello da Coruña fixo público nos últimos días a resolución definitiva das subvencións de concorrencia competitiva dirixidas a entidades deportivas sen ánimo de lucro da cidade.
