Espectacular o que esta á conseguir o Festigual, o Festival das Artes Inclusivas. Este festival referente en inclusión social a través das artes, desenvolto por entidades locais comprometidas coa inclusión e a defensa dos dereitos culturais, consegue dende hai 8 anos demostrar que a arte non entende de barreiras.
O Festival xa leva 5 días en marcha e ten unha completa programación ata o 29 de novembro. Arrincaba o pasado 30 no Centro Ágora co espectáculo “Cerebro, Artes, Acción”. Unha proposta de teatro e danza fiada por Adriána Paulos, na que un elenco de actrices e actores combinaban narración e baile acompañados pola Banda Municipal de Música.
View this post on Instagram
O programa continuou este pasado domingo 3 de novembro, cunha gala no Teatro Colón no que músicos e músicas das nosas rúas puideron subir a un escenario. Xentes como a braca saxofonista Sophie Simonds, Pulpiño Viascón, Misuria Blues, Rozadura ou Dani Blanco. fixeron as deliciias do público nunha gala dirixida por Fran Rei e Corina Alfonso.
View this post on Instagram
Programa da Gala Festigual deste xoves no Ágora
Este xoves, 7 de novembro, o Centro Ágora acollerá unha das grandes gala do Festigual. As actividades comezarán ás 18.30h coa experiencia inmersiva “Explorando o Museo”, organizada pola Asociación de Amigos do Museo de Belas Artes, que ofrecerá un percorrido virtual en 360º polas diferentes salas do Museo de Belas Artes (compre inscrición).
Seguiralle, ás 19.30h, a representación de “O Misterioso Cabarel do Sr. Pilgrim…
E Freestyle”, unha peza da Asociación Poten100mos, onde os personaxes exploran a barreira entre o pasado e o presente, fusionando danza, movemento libre e improvisación.
Para pechar a xornada, a Asociación Cultural AÏS presentará “A Proxección Sonora III. A fábrica Illuminada”, un espectáculo teatral e musical que homenaxea a vida dos traballadores e traballadoras das fábricas, con actores e actrices con discapacidade auditiva e intelectual.
Programación Completa 2024
A programación deste ano inclúe unha variedade de propostas que combinan vangarda e tradición.
● 7 de novembro. Museo Virtual. Os amigos do Museo de Belas Artes. Centro Ágora ás 18:30h
● 7 de novembro. A proxección sonora III. La fábrica Illuminata. Asoc. Cultural AIS. Centro Ágora ás 19:30h
● 7 de novembro. O misterioso Cabarel do Sr. Pilgrim… E freestyle. Asoc. Poten100mos. Centro Ágora ás 20.00h
● 8 de novembro – Graffiti Inclusivo. Asociación Participa. Centro Amigó Os Mallos ás 17:00h
● 9 de novembro. Xornada de Arte e Saúde. Hospital de Oza. Toda ao día
● 9 de novembro. Pies de barro. Rebeca Ponte e Elvís García. Hospital de Oza ás 18.30h
● 14 de novembro. Puños de Harina. El Aedo Teatro. Centro Ágora ás 12:00h* e ás 20:00h
● 17 de novembro. Museo Virtual. Os amigos do Museo de Belas Artes. Teatro Colón ás 18:00h
● 17 de novembro. Nada se sabe. Culturactiva Producións e Centro Dramático Galego. Teatro Colón ás 19:00h
● 27 de novembro. Fillas de Cassandra (en acústico) + Chungo Pastel. Centro Ágora ás 20:00h
● 29 de novembro. Músicas Inclusivas e Participativas. Robert Pier e o Coro Diversos Funcionais. Centro Cívico Os Mallos ás 20:00h
● Do 28 de novembro ao 15 de decembro. Exposición: XV aniversario da Torre de Hércules Patrimonio da Humanidade Sociedade Filatélica de A Coruña. Sala Municial de Exposiciones Salvador de Madariaga.
