Esta mañá de xoves as traballadoras das residencias da terceira idade de Oleiros, saían as rúa de novo para reclamar un convenio digno con salarios xustos. Ao berro de “somos esenciais, queremos cobrar máis”, persoal do sector manifestouse en Oleiros dende o centro residencial Clece Vitam Bastiagueiro até a residencia DomusVi da Avda. Rosalía de Castro.

A manifestación enmárcase un calendario de mobilizacións nas catro provincias a instancia da CIG, que considera “insuficiente a proposta de convenio presentada pola patronal”.  Nestes momentos as negociacións están paralizadas e sen previsión dunha nova xuntanza.

Outro caso de externalización

Critica o papel que está a xogar a consellería de Política Social, “que se lava as mans neste conflito”. Porque lembran que hai moitas residencias en Galiza que son propiedade da administración galega pero teñen a xestión privatizada. Hai tamén residencias privadas que son “unha parte importante das prazas están subvencionadas con cartos públicos, pero á Xunta nada lle importan as condicións laborais das traballadoras nin a calidade do servizo que reciben as persoas usuarias”.

Un modelo de “mercantilización dos coidados” que condena o persoal a unhas condicións de miseria e explotación e ao deterioro da calidade asistencial “en favor do lucro de grandes empresas e fondos de investimento”. Por iso, o representante da CIG reclama a intervención urxente da administración galega porque o obxectivo “ten que ser avanzar na equiparación das condicións laborais e salariais coas que hai nos centros de xestión directa, cumprindo a máxima de a igual traballo, igual salario”.

A próxima concentración terá lugar o mércores 20 de novembro, ás 11h, en DomusVi Ferrol.