Negocia estas semanas o grupo socialista coa oposición o novo modificativo de crédito. Será o M6, o sexto, e desta volta de nada menos que de 10,7 millóns de euros, o que pasará o PSOE no pleno extrtaordinario do vindeiro luns. 10,7 millóns de euros que o grupo de goberno ten que sacar doutras partidas que agora analizamos.
Para que son os 10,7 millóns
A meirande parte, 8 millóns de euros, serán destinadas para pagar este ano as facturas do autobús urbano, unha cifra xigante, pero que ten aínda outra lectura, como denuncia o PP: “A débeda do concello coa concesionaria entre marzo e setembro é de 9,6 millóns e se contamos outubro, 11,7 millóns. Polo tanto, o goberno municipal aínda debe á empresa 3,7 millóns de euros”.
Outro 1,1 millóns de euros seran destinados á UDC polas obras da Cidade TIC, aos que se suman os 400.000 aprobados no M%, quedando aínda por pagarlle á Universidade case 1 millón de euros.
5 millóns de baixa”
As consencuencias son claras e os barrios e os equipamentos son os que pagan esta falta de previsión orzamentaria, como denuncia o grupo popular. Así as partidas que se caen do orzamento para este 2024 son:
- 2,2M€ para o centro García Sabell e o CC O Birloque e bibliotecas municipais.
- 1,27 M€ para modernización de prazas e pavimentación, aos que se suman 2,7 mllóns para mellorar vías públicas eliminadas en enmendas anteriores.
- 215.000 € para novas instalacións deportivas.
- 680.000 € para rehabilitar a Lágrima de San Roque e o Parque Europa e o Camiño do Cura nos Rosales e na Avda da Concordia.
- 480.000 € para saneamento en Eirís e Elviña.
Máis novas
O goberno anuncia no pleno a anulación das licencias das Percebeiras para reducir a edificabilidade
