O recinto feiral ExpoCoruña acolle esta fin de semana unha nova edición do evento ExpOtaku, con presentacións, concursos de cosplay e karaoke. Así o informa a organización que explica que haberá outras propostas como photocalls temáticos, torneos ou láser tag como actividades.

Artistas invitados ou unha zona de K-Pop serán outras das propostas xunto á presentación de cómics nunha programación con actividades mañá e tarde e dirixidas a todo tipo de público. As portas abrirán ás 10.00 horas da mañá, permanecendo abertas ata as 21.00 horas, informan os promotores do evento sobre o mesmo.