O Concello da Coruña trasladou o agradecemento aos bombeiros da cidade desprazados a Valencia para axudar tras os efectos da DANA.

A alcaldesa, Inés Rei, recibiu esta mañá, acompañada pola concelleira de Atención e Seguridade Cidadá, Montserrat Paz, a unha delegación dos bombeiros.

Fíxoo para agradecerlles a súa solidariedade e colaboración. En dúas quendas, o consistorio mobilizou 12 e 13 bombeiros voluntarios, xunto con cinco vehículos especializados.

Así mesmo, membros da Xunta e a Deputación achegáronse á Estrada para homenaxear aos máis de 300 efectivos galegos de emerxencias que colaboraron nas tarefas de recuperación das localidades valencianas máis afectadas pola DANA, entre eles varios voluntarios do Consorcio Provincial de Bombeiros da Coruña, dos Grupos de Emerxencias Supramunicipais (GES) e das agrupacións de Protección Civil da provincia da Coruña.