Catro persoas tiveron que ser trasladadas polos profesionais sanitarios tras producirse un incendio nun edificio de sete pisos situado na rúa Antonio Noite López, na Coruña.

Segundo informou o 112 Galicia, varios particulares que vivían no inmoble afectado alertaron á central de emerxencias ao fío das 06.00 horas. Na súa comunicación, indicaban que no edificio había presenza de fume e que, ademais, non tiñan luz.

Así, os operadores do 112 solicitaron a participación do Servizo de Urxencias Sanitarias de Galicia-061, dos Bombeiros da Coruña, dos axentes da Policía Nacional e Local e de membros de Protección Civil.Xa no lugar, os equipos de emerxencia confirmaron que o lume se orixinou no cadro eléctrico do edificio e, por precaución, o inmoble enteiro foi desaloxado.