A cidade da Coruña reunirá os días 10 e 11 de decembro o encontro de alcaldesas e concelleiras de África, Brasil e Galicia, que se celebrará baixo o nome ‘As elixidas’.
O encontro, informa o consistorio herculino, forma parte do programa de actividades nas que colaboran o Concello e o Fondo Galego de Cooperación e Solidariedade.
No mesmo participarán alcaldesas e concelleiras de Cabo Verde, Mozambique, Brasil, Galicia e outros puntos do país, precisan desde o goberno local.
Todo iso nun evento que terá como sedes o Palacio Municipal de María Pita e o Palacio de Congresos e Exposicións (Palexco) para “pór en valor o papel das mulleres no poder local e compartir os desafíos que enfrontan”.
