A Universidade da Coruña (UDC) participa nun proxecto nacional sobre o futuro da educacion plurilingüe, nunha investigación liderada pola Universidade de Córdoba e con presenza tamén da de Las Palmas de Gran Canaria.
A profesora Pilar Couto Canteiro, docente da área de Didáctica da Lingua e a Literatura da Facultade de Ciencias da Educación da UDC forma parte do mesmo.
Segundo informa o reitorado, trátase dun proxecto de investigación nacional competitivo concedido polo Ministerio de Ciencia, Innovación e Universidades, ‘Future of Bilingual Education’ (FoBE).
Nel, están a analizarse datos a través de entrevistas a alumnado dos niveis de 4º de ESO, 2º de Bacharelato e estudantes universitarios sobre as súas percepcións acerca da utilidade que lle van dar á formación bilingüe que recibiron ou están a recibir.
