A partir deste venres, 22 de novembro, o público poderá degustar e coñecer o formato e as botellas das dúas primeiras cervexas artesás creadas pola empresa galega de bebidas GURES: ‘The British Brown Ale’ e ‘Anarchy Lager’.

As referencias, que nacen cunha forte vinculación coa Costa da Morte, só estarán dispoñibles nalgúns comercios e locais de hostalería tanto dese territorio como da cidade da Coruña. 

‘The British Brown Ale’ nace da tradición artesanal británica, que respecta as súas maltas e método, pero incorpora “elixir” GURES a través dunha infusión en frío.
A segunda referencia, a ‘Anarchy Lager’, é unha “lager irreverente, que rompe as regras e combina o seu sabor clásico cun carácter atrevido e transgresor”.

Onde atopar GURES

A partir deste venres día 22, as novas cervexas artesás GURES só poderán degustarse nunha primeira selección de espazos, como Malte (Galera e Atochas), Barbería, Bristol Bar, Creedence Rock Bar, La Mar Salada, La Mejorana, Millo, Nado. , Onda Café, Rosmon Burger, Twin Fin e Vinos Arana; pero tamén en Bátava (Ferrol), Puerto Alé (Santa Cruz), O Semáforo de Fisterra e Taberna do Bico (Camariñas).
A partir de decembro, a selección ampliarase a outros establecementos da provincia da Coruña.