No marco do cruce de declaracións arredor da negociación dos orzamentos de 2025, tócalle o turno ao BNG. Trala resposta da rexedora ao anuncio do BNG de non apoiar os orzamentos de 2025 por mor dos incumprimentos do acordo de investidura, e coa postura do PP polo medio, tócalle o turno de novo ao portavoz do grupo municipal do BNG no Concello da Coruña.
Francisco Jorquera, reprochou á alcaldesa da Coruña, Inés Rey, ter “descoidado o día a día” da actividade municipal. “Ante a afirmación da alcaldesa segundo a cal o BNG lle ten que explicar á cidadanía as razóns polas que non vai negociar os orzamentos”, insiste a formación, o seu portavoz remarca que dedicou “practicamente toda a sesión plenaria” do luns a facelo (poden ver aquí o pleno).
No entanto, o edil do BNG convida á alcaldesa a participar ao encontro promovido polo BNG este xoves, un acto público coa cidadanía baixo o rótulo FÍO DIRECTO, que se celebrará no Salón Enseada do Hotel Riazor a partir das 19 horas, e no que, engade, “a veciñanza vai ter a oportunidade de intercambiar impresións”. “Se quere asistir e mesmo formular preguntas, por nós encantados”, engade.
Máis novas da polémica
A alcaldesa da Coruña tras o “non” do BNG: “Haberá orzamentos, non descarto ningunha posibilidade””
