Despois da máxica previa que nos renderon os Diplomáticos en Monte Alto, este venres 22 de novembro chega a “Gran Noite Coruñenta”.
Coincidindo cos 30 anos do nacemento do bravú (nacía un 31 de outubro do ano 1994, en Viana, unha aldea de Chantada, entre un fato de grupos de todo o país), este venres o Teatro Colón acollerá a presentación do documental “BRAVÚ XXX”, feito por NosTelevisión.
A cita deste venres, a partir das 21:00h e con entrada de balde, será guiada por Xurxo Souto, que convirte cada evento nunha festa, un dos fundadores dos Diplomáticos de Monte Alto, que xunto cos Papaqueixos, foron os dous representantes herculinos naquela “cea de Viana”.
Ademais da proxección de dito documental, poderase disfrutar da actuación en directo de Orquestra Bravú Xangai, a banda actual de Xurxo, con colaboracións de músicos moi especiais e ligados ao bravú.
Ao escenario subirán cantar e tocar temas coa Orquestra Bravú Xangai músicos como Sés,
Xosé Manuel Pereiro (o Joni Rotrin dos Radio Oéano), Gabi dos Vacalouras, Richi dos Rastreros, Benxa dos Impresentables ou Rafa do Caimán do Río Tea, entre outras sorpresas, nunha noite única para celebrar o bravú.
Máis novas
Monte Alto redescubriu ás orixes dos Diplomáticos e o movemento bravú
Xurxo Souto: “Na Coruña somos un dos lugares con maior número de galegofalantes”
