O Tribunal Superior de Xustiza de Galicia (TSXG) desestimou o recurso de apelación interposto contra unha sentenza que absolveu a un home acusado por unha moza de haberlle feito tocamentos cando era nena.
En xuño de 2024, a sección segunda da Audiencia Provincial da Coruña acordou absolver ao acusado, que padece unha discapacidade intelectual, ao entender que non quedaran acreditados os feitos denunciados: uns tocamentos no descanso dun edificio.
A denunciante presentou recurso de apelación, alegando erro na valoración da proba, pero o alto tribunal galego rexeita este argumento e valida o recolleito na sentenza do tribunal provincial: a existencia de “indefinicións” e “vaguedades” sobre a suposta agresión sexual, uns feitos que “non ofrecen unha sólida proba”.
Por iso, desestimou o recurso de apelación e confirmou na súa integridade a sentenza absolutoria.
