No marco da folga de conserxes, pero sen facer referencia algunha, o Concello da Coruña vñen de anunciar que nos próximos días o contrato necesario para redactar o novo Plan Director de Instalacións e Equipamentos Deportivos.

Segundo informa o goberno local, trátase dunha medida coa que se busca “adecuar e mellorar os espazos deportivos de titularidade municipal” e “distribuílos equilibradamente en todos os barrios da cidade”, ademais de “establecer a folla de ruta que determine as futuras necesidades da cidade neste campo, co foco posto especialmente nos barrios”, engade.

O Concello ostenta a titularidade de máis dun centenar de instalacións deportivas. Isto supón, en termos prácticos, que é o encargado do seu mantemento e coidados, tamén da súa renovación ou ampliación en función de cada caso.

Os pregos do contrato de redacción do Plan establecen que, unha vez que se adxudique, a súa elaboración deberá levarse a cabo nun prazo de 16 meses como máximo. Serán 4 as fases de implementación. Primeiro farán unha diagnose, abrirase un proceso de participación cidadá, e executarase un estudo de hábitos deportivos entre a poboación.

Novas relacionadas

“O Concello non ten vontade de solucionar a folga dos conserxes”